Ataw Wallpa

Sinchiq munasqaykuna,

wamra ñust’akunallay,

nanaq llakiypimin sunquy,

ukhuymin llakllapayasqa,

yuyayniymin chinkachkanña.

Juk llakiytamin paqarini.

Imarayku kunan tuta

musphayniypi yananchani

llaki phutillatataqmi,

musquyniypiri rikuni

Inti, maylliq Taytanchikta

yana q’usñipi pakasqata,

llapa janaq pachatari

llapa urqukunatawanri

puka puka rawrachkaqta

pillkukunap qhachquntajina.

Wañuyñachari sispallaña.

Ichapas Inti, Killa,

maylliq taytanchikkunapas

chinkarichiwasunña.

Anaw, sinchiq munakusqay

Qhura Chimpu,

Anaw, wayllukusqay

Quyllur T’ika,

wamra ñust’akunallay,

llakiypunimari kanchik,

llakiy, phutiyman paqarinchik,

Kawsayninchik jinañachu.… Leer más