Tsïkintskua

Juchiti eratsïkuecha jupindakuarsïndi jauiri iorhaticharhu

Jirejtasïnka tsïtsïkicheri p’untsúmikua

Kurhantisïnka piréni ts’itíchani Enkani tepejtsïka, juchiti jauiri tepekatargu tepekuarsïndi irekuarikua

Jintsïnisï naná iurhíxicha juajti, jóskua, jurhíata ka naná kutsíri sesikua jimpo

Jintsïni arhíjti eskani mítaaka juchari uandakuani enka míkuarhitini jaka pínhaskakuarhu

Jisïni sïrikujka takusïrrhu ióntki anapu ambe, miántskuechani ka uandántskua juchiti tatitecheri

Ji tsïkintaxaka…

Jintsïni jatsïntasti, ka ikarantatijtsïni /

Xaxeska eska echeri, ka juchiti k’uiripita jindesti juchiti xukuparhakua Xukuparhakua enka /

kuajpekuarijka para juchári ireta no k’amakurhini.… Leer más