Niteilia
Nejua nisiuatl tlin keyeua ipan inenepil
Tlatoli tlin nonana xkeman okito.
Nikpiya notson ueueyak tlin nonanantsitsintin
Kinekisia kitlakpilisia ipan tepetl kan noueyikatsatsilia.
Nejua nisiuatl tlin nipiya siuakokonej ipan nonan
Tlin tenonotsaskej keniki nejua oninen,
Keniki onenkej siuamej.
Nejua niteilis keniki onenkej nonan niman nonanantsin,
Keniki uistin onosalokej ipan itlanemilis
Keniki okeyekej mayantli ipan ijti,
Keniki ixpoxuan xkeman onauatkej
Niman itelpoxuan xkeman otlakakej,
Keniki insiuaixuiuan nochipa otlatemikej
Keniki intlakaixuiuan xkeman otlakatkej
Niktenonotsas keniki nonana otlaxini ika xochitl,
Niman keniki otlapayan nonanantsin ika nextamali.… Leer más