Nɨkaɨriyangodɨkue

Nɨkaɨriya izoi komuidɨkue

Eiño nɨkaɨdɨkue, rɨngodɨkue

Kue duenia, ñuera uaina nɨkaɨritɨkue

Kue kakana uai monaiya

ja jitaɨngodɨkue, kaɨmare ɨnɨdɨkue

Kue nɨkaɨriya uafuena jaaide, fia nɨkaɨñede

Kaziya rɨngodɨkue ua rɨngodɨkue

Naɨmekɨ rɨngodɨkue fareka rɨngodɨkue

Kue komekɨ farekabina ite

Fɨenide uai naɨmedɨkue

Nɨkaɨriya izoide

Kue uai manaɨde, jiyua uai

Manuena nɨkaɨritɨkue, i kue manoriya

Manoritɨkue, kaɨmare ɨnɨdɨkue

Monaide, kaɨmare kazidɨkue

Jiyodɨkue taɨjɨemo komekɨ uide

Kue nɨkaɨriya dai monaiya

Nɨkaɨriñede komena iñede

Naga kome nɨkaɨrite

Afe nɨkaɨ monifuena monaiya

Moniya uai

Tajɨtate, rijitade, ɨnɨtañede

Ja nɨkaɨñede, ua raana ite

Ua rɨngo, urukɨ eina mameide

Ie izoide, rɨngodɨkue komekɨ ñuera

Kue buuna fɨeni fɨnoñedɨkue

Ñue kazidɨkue

Ñuera uaido monaitɨkue

Ñuera komekɨdo baɨ jaaidɨkue

Ñue meine bitɨkue

Ñue rigakue

Ñue zikodɨkue

Ñue zairidɨkue

Ñue zafedɨkue

Ñue yɨzɨdɨkue

Ñue ogakue

Monifuena fuitɨkue

Nɨ mei kue uai, jaka fuiñede

Tɨinide, fia jagɨyɨna ite

Soy una soñadora

Como un sueño me engendraron;

soy el sueño de mi madre, soy mujer.… Leer más